САД и Иран постигнаа договор за примирје, се чека одобрување од Трамп
- Преговарачите на САД и Иран постигнаа договор за 60-дневен меморандум за разбирање со кој би се продолжило примирјето и би се покренале преговори за иранската нуклеарна програма, но американскиот претседател Доналд Трамп сè уште нема дадено конечно одобрување за договорот, јави денеска Аксиос, повикувајќи се на американски официјални лица.
- Американските преговарачи го запознале Трамп со деталите на договорот, по што тој побарал неколку дена за разгледување.
- Според наводите на изворите, меморандумот предвидува пловидбата низ Ормуската Теснина да биде „неограничена“, што подразбира забрана за наплата на такси и попречување на бродовите, како и обврска на Иран во рок од 30 дена да ги отстрани сите мини од протокот.
