Грчкиот противвоздушен систем Патриот спречил напад со две балистички ракети од Јемен врз рафинерија во Саудиска Арабија
- Две балистички ракети од Јемен насочени кон рафинерија во областа Јанбу во Саудиска Арабија рано утрово успешно биле спречени од грчкиот противвоздушен и противракетен систем Патриот распореден во земјата, јави дописничката на МИА од Атина.
- Нападот бил изведен со две балистички ракети, насочени кон исклучително важен рафинериски комплекс во регионот Јанбу каде што е распореден грчкиот противвоздушен систем, а грчките сили во Саудиска Арабија продолжуваат регуларно со нивната мисија.
