ДЗС нема инспектор за редовен надзор во Кочани, вонредни се вршат само по налог или пријава, сведочи вработен во Дирекцијата за „Пулс“
- Сведокот Живко Ставревски, помошник-генерален инспектор во Дирекцијата за заштита и спасување (ДЗС), на денешното рочиште за пожарот во дискотеката „Пулс“ во Кочани изјави дека до 2020 година не биле предвидувани редовни инспекциски надзори во општини во кои нема инспектори, а Кочани немало покриеност со инспектор за проверки и превенција.
- За редовни надзори, како што појасни, не била направена распределба на инспектор во општини каде нема вработено инспектор.
- Тоа се однесува за сите општини – изјави сведокот.
