„Окта“ повторно воведува попуст – два денари за бензините до средината на јуни
- Компанијата ОКТА АД – Скопје воведува привремен попуст од 2 денари по литар за бензините од 95 и 98 октани, како дел од напорите за поддршка на домашниот пазар на горива.
- Од компанијата посочуваат дека со оваа мерка им се остава можност на трговците да ја рефлектираат поддршката во крајните цени за потрошувачите, но нагласуваат дека тие и понатаму самостојно ги креираат малопродажните цени во согласност со своите комерцијални политики и пазарните услови.
- Според проценките на компанијата, вкупниот придонес за поддршка на пазарот преку досегашните мерки ќе надмине 7 милиони евра.
