Меморандум за соработка меѓу македонското и португалското јавно обвинителство
- Меморандумот во Лисабон го потпиша генералниот обвинител на Република Португалија, Амадеу Гера, додека од македонска страна во Скопје, свој потпис стави јавниот обвинител на Република Македонија, Ненад Савески.
- Денеска, при посетата на заменик-генералниот обвинител на Португалија, Пауло Жорже Виеира Моргадо де Карвајо во земјава, беше извршена свечена размена на двата документи на која присуствуваше и министерот за правда Игор Филков, соопшти денеска Јавното обвинителство на Република Македонија.
- Како приоритетни области на меѓусебната соработка се наведени борбата против организираниот криминал, корупцијата, компјутерскиот криминал, трговијата со луѓе, трговијата со дрога, перењето пари, како и размената на искуства во градењето на институционалните капацитети.
